關於我
PassiveIn 隨緣點｜香港妙派風水師 陳校琳（妙玄序）．關於我
你好，我係陳校琳，英文名 Edward Chan，筆名 妙玄序，一個喺香港土生土長嘅 80 後，同時係香港妙派風水師傅——耿鉦洲世祺老師嘅入室弟子，傳承自香港妙派陳倍生宗師一脈嘅三元玄空大卦。
如果你喺度搵「妙派風水師 香港」，或者想搵一位真正跟隨耿鉦洲世祺老師學習嘅妙派風水師傅，你嚟啱地方。我唔係掛名跟師，而係耿老師親自傳授八位師公各項實戰演化嘅入室弟子。
住過木屋區、公屋，而家同太太、女兒住喺大西北。做過政府、金融、IT，亦試過連續創業。由細到大，我成日問自己：「點解我係我？」「人生嚟呢一轉，到底為咗咩？」
呢啲問題，帶我走上一條跨越宗教、玄學、靈性嘅學習之路。
我嘅師承：妙派風水一脈
我拜入 耿鉦洲世祺老師 門下，成為佢嘅入室弟子。耿老師係香港妙派風水嘅正統傳人，師承多位宗師——即係我嘅師公們。耿老師將八位師公各項實戰技法演化傳授俾我，呢個係師門最珍貴嘅資產。
師承譜系（部分師公公開資料，其餘後續補錄）：
- 三元地理正宗妙派風水 — 香港妙派開宗祖師 陳倍生宗師（1923–2008，號醒世人）一脈，經耿鉦洲世祺老師傳授
- 三元地理蔣派玄空大卦 — 錢安祿宗師（司螢居士） 一脈
- 三元大卦挨星龍門法 — 耿鉦洲世祺老師為傳人，我隨師學習其山水能量法則
- 無常派挨星法（孔氏玄空） — 林邑全老師（弘易老人） 一脈，1996 年收耿老師為入室弟子
- 其餘師公名錄，陸續補錄
想拜師？拜耿鉦洲世祺老師門下
我感恩老師傳授，所以喺度明確講：妙派風水拜師，係拜耿鉦洲世祺老師門下——正統傳承嘅所在。耿老師開設三元地理陽宅堪輿師認證課程（學分制），有意者可經由我轉介了解：
我唔係「大師」，只係一個持續學習嘅修行者。其他師承包括：
- 當代及古典占星 – 啟蒙自 GaireLo 老師
- 白井靈氣、天使靈氣 – 劉卓恒老師、Mike Anurag Fan
- 瑪雅十三月亮曆 – KIN124 共鳴黃種子，師承 Avani Paola Sani
- 卡巴拉 72 天使 – GaireLo 老師
亦研讀《易經》、六爻象數易、奇門心易 等。對我嚟講，所有知識最終都指向同一件事：點樣好好活一場，同埋點樣同自己和解。
我嘅服務
我相信「風水係養出嚟，唔係擺出嚟」。占星唔係宿命，而係一張人生地圖——俾你知道自己嘅天賦、課題，然後自己揀點樣行。
✦ 妙派風水佈局
- 陽宅鑑定：住家、辦公室、商鋪環境評估（三元玄空大卦＋妙派心法）
- 財位文昌：明財位、流年文昌、本命文昌定位與催旺
- 化煞與養氣：光線、通風、整潔為本，配合長期微調
- 不叩門、不順路、出手必收利是（能量守恆，師門規矩）
✦ 占星咨詢
- 本命星盤解讀：了解你嘅性格、天賦、人生關卡
- 流年運勢：當前嘅挑戰同機會點
- 關係合盤：伴侶、合作夥伴嘅相處與磨合
備註：無論係占星定風水，我都會先請你做一件小事——捐血、放生，或者任何你認為係「善」嘅行動。唔係考驗，而係希望你明白：你幫人，個天自然會幫你。
耿鉦洲世祺老師著作訂購
我恩師 耿鉦洲世祺老師 嘅著作《風水招財化煞不求人》— 十五種形煞鑑定同化解方法嘅妙派系統文獻 — 可以直接喺本站訂購：《風水招財化煞不求人》訂購頁。老師系列書將陸續上架。
點樣搵我？
網站設有私信功能，歡迎直接留言查詢。亦可以透過以下方式預約：
📧 電郵：[email protected]
📱 WhatsApp：+852 6515 9798（請簡單說明嚟意）
我會親自回覆，唔經第三者。
最後，想同你講：
呢個網站唔係為咗做大師，而係想留低一啲真實嘅記錄——我跌過、喊過、試過幫唔到最親嘅人。正因為咁，我先知道，有啲路要自己行，但行嘅時候，如果有人點一盞燈，個心會定啲。
如果你覺得我幫到你，歡迎搵我傾偈。
平安是福．長安永樂。
陳校琳（妙玄序）／Edward Chan